काठमाडौं । लोकप्रिय गायक हेमन्त शर्मा र गायिका एनिला चौहानको नयाँ गीत सार्वजनिक भएको छ । बिहीबार ‘भन मेरो मालिक’ बोलको गीत सार्वजनिक गरेका हुन् । गायक हेमन्तले आफ्नै युट्युब च्यानल ‘हेमन्त शर्मा’मा भिडियो सार्वजनिक गरेका छन् ।
हेमन्तकै शब्द तथा संगीत रहेको गीतलाई श्यामश्वेत रसाइलीले एरेन्ज गरेका हुन् ।
दीपकमान सिंहको निर्देशनमा तयार भएको डान्सिङ नम्बरको गीतको भिडियोमा नरेशवीर सिंह र लोसिना लामिछानेको अभिनय छ । भिडियोमा हेमन्तलाई पनि हेर्न सकिन्छ ।
अजय रेग्मीको छायांकन रहेको भिडियोलाई मिलन विश्वकर्माले सम्पादन गरेका छन् ।