Todays Date: २०८१ श्रावण १०
AB Filmy

तीन पटक ‘जीवनरेखा’को सेट छाडेर भागेका थिए शिव श्रेष्ठ

shiva

अभिनेता शिव श्रेष्ठले डेब्यु फिल्म ‘जीवनरेखा’को सेट छाडेर तीन पटक भाग्ने कोशिस गरेको बताएका छन् ।

प्रकाश सुवेदीको सोमा आफ्नो फिल्म यात्राको कुरा गर्दै उनले संयोगले हिरो बनेको र सुटिङकै बीचमा सक्दिन भनेर भाग्न चाहेको बताएका हुन् । उनले आफूलाई अभिनयमा रुचि नभए पनि निर्देशक प्रकाश थापाले कसरी हिरो बनाए भन्ने कुराको पनि स्मरण गरेका थिए ।

‘विराटनगरको जलजला हलमा उहाँको सिन्दुर भन्ने फिल्म चलिरहेको रहेछ । सोही सिलसिलामा उहाँ जलजला आएको बेला क्याराम बोर्ड खेलिरहेका साथीहरु उहाँलाई भेट्न गएपछि म पनि गएको थिएँ । त्यसको भोलिपल्ट उहाँले मलाई फिल्म खेल्न प्रस्ताव गर्नुभयो,’ उनले भनेका छन्, ‘ उहाँले तिमी हिरो बन्नुपर्छ भन्दा ,मलाई फाइट साइटको रोल दिनुस् भनेको थिएँ । तर अन्तर्वार्ता के के गर्दा मलाई नै छान्नु भएछ । तर सुरु गर्ने बेलामा मात्र होइन, सुटिङको बीचमा पनि सक्दिन भनेर मैले भाग्ने कोशिस गरेको थिएँ ।’

उनले निर्देशक प्रकाश थापाको नक्कल गर्दा गर्दै पहिलो फिल्मको काम सकाएका पनि बताएका थिए । विसं २०३९ सालमा प्रदर्शन भएको फिल्मबाट शिव श्रेष्ठसँगै अर्जुनजंग शाहीले पनि डेब्यु गरेका थिए । मन्जुकुमार श्रेष्ठले छायांकन गरेको फिल्ममा नेपालको पहिलो रंगिन फिल्म कुमारी अभिनेत्री चैत्यदेवीले मुख्य सहायक निर्देशकको भूमिका निर्वाह गरेकी थिइन् ।

0 0 votes
Article Rating
Subscribe
Notify of
guest
0 Comments
Oldest
Newest Most Voted
Inline Feedbacks
View all comments
0
Would love your thoughts, please comment.x
()
x
Scroll to Top