काठमाडौं । मिस्टर नेपालको अडिसन शुरु भएको छ । काठमाडौंबाट शुरु भएको अडिशन देशभर नै गर्ने पनि शुरु गरिएको हो ।
सो अवसरमा नेपालमा फेसन तथा मनोरञ्जन उद्योगलाई सरकारले सहयोग गर्नुपर्ने सरोकारवालाहरुले बताएका छन् ।
अडिसन चैत १२ गतेसम्म चल्ने आयोजक आयोजक नेक्स्ट मोडल्स नेपालले जनाएको छ ।
हालसम्म सयभन्दा बढीले अडिसन दिएका छन् भने तीमध्येबाट केही प्रतियोगी छनोट भएका छन् ।
छानिएका सबै प्रतियोगीलाई अन्तिम अडिसनपछि सार्वजनिक गरिने आयोजक नेक्स्ट मोडल्स नेपालले जनाएको छ ।
‘मिस्टर नेपाल’ पुरुष सहभागी हुने मुलुकको ठूलो प्रतियोगिता हो । एक्सपोज नेपालले आयोजना गर्दै आएको प्रतिस्पर्धालाई यस वर्षदेखि नेक्स्ट मोडल्सले गर्न थालेको छ ।