काठमाडौं । चर्चित गायक/संगीतकार तथा निर्देशक नारायण रायमाझी र बाल गायिका दिक्षा खवासको स्वरमा नयाँ गीत सार्वजनिक भएको छ ।
कलिला बालबालिकाको लालनपालनको लागि अभिभावक विदेशिनु परेको पिडा र वेदना समेटिएको गीत ‘टुहुरा हामी’ रिमा इन्टरटेन्टमेन्ट नेपाल मार्फत सार्वजनिक भएको हो ।
गीतमा शब्द संगीत, दिक्षा खवास रहेको छ । अभिनय सुरवीर पण्डित, अञ्जली अधिकारी र दिक्षा खवासको नै रहेको छ । गीतको भिडियोमा निर्देशन स्मृती तिमिल्सिनाले गरेकी छिन् ।
सुन्दर सपना सजाएर विदेशिए स्वदेश फर्किदा काठको बाकसमा बन्द भएर फर्किने युवापुस्ताको यथार्थमाथि गीत चित्रण गरेको छ । नेपाली जनजीवनको यथार्थ कथालाई गीतबाट मार्मिक ढंगले प्रस्तुत गरिएको छ ।