काठमाडौं । नृत्यमा आधारित टेलिभिजन रियालिटी शो ‘डान्सिङ स्टार्स नेपाल’ मा छिरिङ शेर्पा र सरोज प्रजाको जोडी फाइनलमा पुग्न सफल भएको छ ।
शनिबारको एपिसोडबाट छिरिङ र कोरियोग्राफर सरोज प्रतियोगिताको फाइनलमा पुगेका हुन् ।
अन्य दुई प्रतिस्पर्धी जोडी पनि फाइनलमा प्रवेश गरेका छन् । छिरिङ शेर्पा, परमिता राणा, प्रीति आलेको जोडी फाइनलमा प्रवेश गरेका हुन् ।
असार १० गते शोको ग्रान्ड फिनाले हुँदैछ । शोको निर्णायकमा गौरी मल्ल, दिलीप रायमाझी र रेनशा बान्तवा राई छन् । कार्यक्रम प्रत्येक शुक्रबार र शनिबार हिमालयन टिभीमा प्रसारण हुँदै आएको छ ।
फाइनलमा दर्शकको भोट नै शतप्रतिशत मान्य हुने बताइएको छ । निर्णायकहरुले फाइनलका लागि आफ्नो निर्णय दिन नसक्ने बताइएको छ ।