काठमाडौं । प्रदीप खड्का स्टारर फिल्म ‘प्रकाश’को अफिसियल ट्रेलर सार्वजनिक गरिएको छ । निर्माण टिमले मंगलवार राजधानीमा एक कार्यक्रम ट्रेलर सार्वजनिक गरेको हो ।
‘प्रसाद’ फेम्ड निर्देशक दिनेश राउतको निर्देशन रहेको फिल्ममा प्रदीप, दीया मास्के, प्रकाश घिमिरे, राजन खतिवडा, रेणु योगी, अमजद प्रवेज, देव कुमार श्रेष्ठ, हुम बिसीलगायतको अभिनय छ ।
आगामी भदौ १० गतेदेखि नेपालसँगै आधा दर्शन बढी देशमा एकसाथ प्रदर्शनको तयारीमा रहेको फिल्मको निर्माता महेन्द्र अधिकारी हुन् ।
पोष्टर, टिजर र गीतबाट फिल्मले प्रशंसा बटुलिसकेको छ । यसअघि लभस्टोरी फिल्ममा मात्र देखिँदै आएका प्रदीपले यस फिल्ममा निर्वाह गरेको फरक भूमिकालाई चासोका रूपमा हेरिएको छ ।