काठमाडौं । देउडा शैलीको नयाँ गीत ‘दरबारे माया’ सार्वजनिक भएको छ । गीतको शब्द तथा संगीत युवा गायक एवम् संगीतकार जोसेफ शाही ठकुरीले गरेका हुन ।
पुरुषोत्तम सुवेदीको संगीत संयोजन र किशोर थापाको ध्वनी सम्पादन रहेको गीत ए–वन म्युजिसीयन स्टुडियोमा रेकर्ड गरिएको हो ।
भिडयोमा चर्चित मोडल बिना राउत, सुरज मल्ल, भद्र कुँवर, सङ्गकला गौतम र सचिन गौतम लगायतको अभिनय हेर्न सकिन्छ ।
बसन्त कुँवरको छायाँकन र टेकेन्द्र शाहको दृश्य सम्पादन रहेको ‘दरबारे माया’ गीतको भिडियो निर्देशन गौरव गिरीले गरेका हुन् ।
‘दरबारे माया’ आधुनिक शैलीको देउडा गीत हो ।
गीतमा चोखो माया गर्ने केटीसँग घरजम गरेर गाउँमै बस्ने तयारी जुटेको युवाको कथा समेटिएको छ ।