कबड्डी’ फ्रेम्ड निर्देशक रामबाबु गुरुङले चलचित्र ‘डिग्री माइला : एमए थर्ड क्लास’को छायांकन सुरु गरेका छन ।
गत शनिबार भाटभटेनी मन्दिरमा शुभमुहूर्त गरिएको चलचित्रको शुक्रबारबाट ओखलढुङ्गास्थित रुम्जाटारमा क्यामेरा पूजा गर्दै छायांकन सुरु गरिएको हो ।
चलचित्रको पहिलो चरणको सम्पूर्ण छायांकन रुम्जाटारमै गरिने रामबाबुले जानकारी दिएका छन् ।
दोस्रो चरणको छायांकन आगामी मंसिरमा काठमाडौं र ओखलढुङ्गामा गरिने जनाइएको छ ।
अभिनेता दयाहाङ राई र अभिनेत्री आँचल शर्माको जोडी बाँधिने चलचित्रमा विजय बराल, माओत्से गुरुङ, बुद्धि तामाङलगायतको पनि अभिनय रहनेछ । म्युजिक भिडियोमा सहकार्य गरिसकेका दयाहाङ र आँचलबीच चलचत्रिमा पहिलो पटक सहकार्य भएको हो ।
मण्डला थिएटरमा २०७१ सालमा तीनपटकसम्म मञ्चन भएको ‘डिग्री माइला’ नाटकको आइडियामा केन्द्रित रहेर चलचित्र निर्माण हुन लागेको हो । त्यो नाटकलाई अभिनेता दयाहाङ राईले निर्देशन गरेका थिए ।
बासुरी फिल्म्स प्रोडक्सनको ब्यानरमा निर्माण हुने चलचित्रको कथा शैक्षिक बेरोजगारीले युवाहरुमा ल्याएको निराशामा आधारित हुनेछ । निर्माण अगाडि नै चलचित्रले प्रदर्शन मिति नेपाली नयाँ वर्ष २०८१ मा तय गरिसकेको छ ।
