काठमाडौं । गायक हेमन्त शर्माको नयाँ गीत सार्वजनिक भएको छ । शर्माले बिहीबार साँझ आफ्नै युट्युब च्यानलमार्फत ‘एक जुनी हैन’ बोलको गीतको म्युजिक भिडियो सार्वजनिक गरेका हुन् ।
गीतमा शब्द र संगीत स्वयम् शर्माको रहेको छ । उनलाई महिलाको स्वरमा भने गायिका अस्मिता अधिकारीले साथ दिएकी छिन् ।
खास गरी एकल गायनका लागि चिनिएका शर्माले २०७६ भदौमा ‘बनमारा’ बोलको दोहोरी गीत सार्वजनिक गरेयता कुनै पनि एकल गीत गाएका छैनन् ।
‘एक जुनी हैन’ गीतको गीति भिडियोमा आकाश श्रेष्ठ र रियासा दाहालको अभिनय रहेको छ । भिडियोमा निर्देशन निकेश खड्काको रहेको छ भने सम्पादनको जिम्मा विकास धमलाले सम्हालेका छन् ।