काठमाडौं । गायक शिव परियार तथा गायिका आनी छोइङ डोल्माको स्वरमा नयाँ गीत सार्वजनिक भएको छ। आनी र शिवले ‘यही हो मेरो देश’बोलको गीतमा युगल गायन गरेका हुन्।
सार्वजनिक गीत विद्यार्थी नेता धर्मेन्द्र खड्काले लेखेका हुन्। झापाका खड्का राजनीतिसँगै गीत/संगीतमा पनि सक्रिय छन्।
साइराम पिक्चर्सको युट्युब च्यानलबाट सार्वजनिक भएको गीतको लिरिकल भिडियो पनि सार्वजनिक गरिएको छ। गीतमा शिव बराइलीले संगीत गरेका हुन्।