चलचित्र ‘प्रसाद–२’ मा छायांकन नहुँदै लफडा ! सुटिङ नै नगरी फर्किए कलाकार
काठमाडौं । चलचित्र ‘प्रसाद–२’ छायांकन नहुँदै रोकिएको छ । १७ दिन अगाडि कलाकारसहित सम्पूर्ण छायांकन युनिट पोखरा पुगे पनि चलचित्रको छायांकन सुरु भएको थिएन ।
पारिश्रमिक र चलचित्रको भिजुअल ल्याङवेजलाई लिएर असमजदारी भएपछि सिनेमाको छायांकन सुरु नहुँदै रोकिएको हो ।
चलचित्रका मुख्य कलाकार विपीन कार्कीले पटक–पटक सम्झौता अनुसार पारिश्रमिक माग गरे पनि निर्माण पक्षले उपलब्ध नगराएपछि उनी पछि हटेका हुन् ।
बुधबारदेखि कास्कीको ल्वाङ गाउँबाट छायांकन सुरु हुन लागेको चलचित्रको सेटबाटै अभिनेता विपीन कार्की र अभिनेत्री नम्रता श्रेष्ठ बाहिरिएर काठमाडौं आएका छन्। चलचित्रका निर्देशक सुदर्शन थापासहितको टोली पनि बिहीबार काठमाडौं फर्किने बताइएको छ।
चलचित्रसँग सम्बन्धितहरुले कलाकारहरुबीच रचनात्मक असमझदारीका कारण छायांकन स्थगित भएको बताइरहेका छन्।

अहिलेसम्म कुनै टिप्पणी छैन — कुराकानी सुरु गर्ने पहिलो व्यक्ति बन्नुहोस्।