नायिका नीति शाह नयाँ फिल्म ‘राजा’मा अनुबन्धित भएकी छिन्। निर्देशक दिवाकर भट्टराईको निर्देशनमा तयार हुन लागेको फिल्म ‘राजा’मा काम गर्ने पक्का भएको हो । निर्माणपक्षले नीतिसँग कागजी संझौता समेत गरिसकेको छ ।
भर्खरै मात्र ‘खजुरे ब्रो’को छायांकन सकाएकी उनले केही दिन अगाडि मात्र नायक सविर श्रेष्ठको निर्देशनमा तयार हुने फिल्म ‘रुखान’ पनि साइन गरिसकेकी छिन् ।
करिअरको केही बर्ष फिल्म साइन गरेर पनि नबनेपछि निराश बनेकी नीति अहिले भने धमाधम चलचित्रमा काम गरिरहेकी छिन् । उनको व्यस्तता अहिले ह्वात्तै बढेको छ ।
केही बर्ष अगाडी नै निर्माणको घोषणा गरिएको यो फिल्मको शीर्ष भूमिकामा नायक राज कटुवालले काम गर्नेछन् । भने, यो फिल्मका लागि राजले लामो समयदेखि शरीर समेत बनाइरहेका छन् ।
केही दिनमै छायांकन सुरु गर्ने तयारीमा रहेको यो फिल्मको निर्माता तथा नायक राज कटुवालले vको तयारी तीव्र पारिएको बताएका छन् । यसै फिल्म मार्फत नायिका नीति र राजले पहिलो पटक पर्दा शेयर गर्न लागेका हुन् ।