News

नेपाली फिल्म ‘पूजा, सर’को कार्यकारी निर्मातामा जोडिए अनुराग

pujar sir and anurag kashyap
pujar sir and anurag kashyap

भारतीय प्रख्यात निर्देशक अनुराग कश्यपले दीपक रौनियारको नेपाली फिल्म ‘पूजा, सर’मा कार्यकारी निर्माता रूपमा काम गर्ने भएका छन्। प्रसिद्ध अमेरिकन ट्रेड म्यागेजिनको अनलाइन संस्करणले यो खबर सार्वजनिक गरेको छ र यो फिल्मलाई यु.के. र आयरल्यान्डका लागि च्यानल ४ ले खरिद गरेको प्रकाशन गरेको छ।

कश्यप केही समय अघि नेपाली फिल्म ‘साम्बाला’को प्रिमियरमा सहभागी हुन काठमाडौं आएको थिए। प्रिमियरमा बोल्दै उनले निर्देशक दीपक रौनियारको तारिफ गरेका थिए।

यो फिल्म यस वर्षको भेनिस फिल्म फेस्टिभलको होराइजन स्ट्र्यान्ड प्रतिस्पर्धामा डेब्यू भएको थियो, र पछि ह्याम्बर्ग र बुसानमा प्रदर्शन गरिएको थियो। यो फिल्म दक्षिण नेपालमा २०१५ मा भएको मधेसी आन्दोलनका वास्तविक घटनाहरूबाट प्रेरित छ। कथामा दुई बालकलाई नेपाल-भारत सीमा नजिक अपहरण गरिन्छ, र काठमाडौंबाट डिटेक्टिभ इन्स्पेक्टर पूजा घटनाको अनुसन्धान गर्न पठाइन्छिन्। तर, त्यहाँ पुगेपछि राजनीतिक अशान्ति र आन्दोलनहरूले उनको काममा अवरोध पुर्‍याउँछन्, जसले गर्दा उनलाई स्थानीय मधेसी प्रहरी महिला ममता सँगको सहयोग आवश्यक पर्छ।

फिल्ममा मुख्य भूमिका आशा मगरातीले निर्वाह गरेकी छन् भने दयाहाङ राई, निकिता चन्दक, ऋचा शर्मा, विजय बराल लगायत कलाकारहरूले पनि अभिनय गरेका छन्। फिल्मलाई आदि फिल्म्स, बाँसुरी फिल्म्स, र तनहाउजर गेटले निर्माण गरेका हुन्। नेपालमा २०२५ को मार्च १४ मा रिलिज गरिनेछ।

Share

यो खबर पढेर तपाईंलाई कस्तो महसुस भयो ?

० Comments