झिल्को’ प्रदर्शन प्रदर्शन निर्माण टिमप्रति असन्तुष्ट अभिनेत्री वर्षा
Views:
५८
Reading time:
१ min
अहिलेको समयमा फिल्म बनाएर मात्र हुँदैन । प्रभावकारी रुपमा प्रचारप्रसार हुन सकेन भने हलमा फिल्मले दर्शकको अनुहार पनि देख्न पाउँदैन । शुक्रबारबाट प्रदर्शनमा आएको नयाँ फिल्म ‘झिल्को’को हकमा यही भएको छ । पहिलो दिन नै दर्शक अभावले फिल्मको देशभर धेरैजसो शो रद्द भएका छन् । शुक्रबार साँझसम्मका थुप्रै शोमा फिल्मको एउटा टिकट समेत बिक्री भएको छैन ।
‘झिल्को’को प्रचारका लागि निर्माण टिमले दु:खै गरेको थिएन । भगवान् भरोसामा रिलिज भएको यो फिल्मले पहिलो दिन नै दर्शक नपाएपछि अभिनेत्री वर्षा सिवाकोटीले फेसबुकमार्फत निर्माण टिमप्रति असन्तुष्टि पोखेकी छन् । प्रचारप्रसार र बजार व्यवस्थापनमा टिम चुकेको उनको आशय छ । अहिलेको समयमा प्रचारप्रसार बिना कथावस्तु र प्रस्तुति मात्र सशक्त भएर नहुने उनको तर्क छ ।
उनले लेखेकी छन्, ‘विगत १० वर्षदेखि अनवरत नेपाली फिल्ममा आबद्ध छु । एउटा कलाकारको नाताले राम्रो कथावस्तुमा काम गर्ने रहर सबैमा हुन्छ, तर कथावस्तु अनि प्रस्तुति मात्र भएर नहुने रहेछ । फिल्मलाई दर्शकहरुको चासोको विषय बनाउन निर्माण टिमको प्रचारप्रसार र बजार व्यवस्थापन उत्तिकै जरुरी हुन्छ । तोकिएकै समयमा छायांकन अनि प्रदर्शनले पनि ठूलो अर्थ राख्छ ।’
अहिलेसम्म कुनै टिप्पणी छैन — कुराकानी सुरु गर्ने पहिलो व्यक्ति बन्नुहोस्।