‘बले’ लाई पाँच दिन हिरासतमा राखेर अनुसन्धान गर्न अनुमति

कलाकार सागर लम्साल ‘बले’लाई पाँच दिन हिरासतमा राखेर अनुसन्धान गर्न जिल्ला प्रशासन कार्यालयले काठमाडौंले प्रहरीलाई अनुमति दिएको छ ।

प्रशासनले अभद्र व्यवहार कसुरमा ‘बले’लाई हिरासतमा राख्न प्रहरीले अनुमति पाएको हो ।

बलेमाथि अमेरिकामा बस्ने एक युवतीले जबरजस्ती करणी गरेको सामाजिक सञ्जालमार्फत आरोप लगाएकी छन् ।

बलात्कारको गम्भीर आरोप लागेका बलेलाई प्रहरीले शनिबार बूढानीलकण्ठबाट नियन्त्रणमा लिएको थियो । सोही आरोपमा अनुसन्धान गर्न प्रहरीले पक्राउ गरेको जनाएको छ ।

तर, हालसम्म उनीविरुद्ध प्रहरीमा किटानी जाहेरी भने परिसकेको छैन । सोही कारण प्रहरीले उनीमाथि अभद्र व्यवहार सम्बन्धी कसुरअनुसार प्रमुख जिल्ला अधिकारीबाट हिरासतको अनुमति मागेको हो ।