काठमाडौं । गायक तथा संगीतकार एकनारायण भण्डारीको नयाँ गीत ‘जुम्लाबाट आउनुभयो मित’ बोलको सार्वजनिक भएको छ।
पहाडी भेगको जुम्ला र तराई भेगको प्रसंग जोडिएको गीत आइतबार सार्वजनिक गरिएको हो। गीतमा भण्डारीकै संगीत र आकृति विश्वकर्माको स्वर रहेको छ।
गीतले दुई भेगको कथालाई समेटेको छ। दुई भेगको जीवनशैली र रहन सहनका कुराहरु गीतमा समेटिएका छन्। गीतको एरेन्ज स्यामश्वेत रसाईलीले गरेका छन्।
गीतको भिडियोमा सुधिर श्रेष्ठ, विजय पुन र सिर्जना जीसीको अभिनय रहेको छ। भिडियोलाई कुमार केसीले निर्देशन गरेका छन्। अजय रेग्मीले खिचेको गीतको भिडियोको सम्पादन तथा संयोजन विकास ज्ञवालीले गरेका छन्।