काठमाडौं । अरुण लामाले निर्देशन गरेको फिल्म ‘डोरी’ को टिजर सार्वजनिक भएको छ।
बनेपास्थित शुभकामना हलबाट उक्त फिल्मको टिजर सार्वजनिक गरिएको हो।
सार्वजनिक टिजरमा विरेन्द्र सिंह, सौरभ नुतन र एन्जिला शसंकारलाई मात्र स्थान दिइएको छ।
राज थापा र चन्द्र थापाको लगानी रहेको फिल्ममा विरेन्द्र, सौरभ र एन्जिलासँगै सिद सिंह र सरोज लामिछानेको पनि अभिनय रहेको छ।
नारायण जिसीले छायांकन गरेको फिल्मलाई अनन्त घिमिरेले सम्पादन गरेका छन्। यो फिल्म चाँडै प्रदर्शन हुने बताइएको छ।