काठमाडौं । फिल्म ‘आँधी तुफान २’ को पोस्टर सहित रिलिज मिति घोषणा गरिएको छ । २०६३ सालमा निर्माण भएको फिल्म आँधी तुफानको सिक्वेललाई मदन घिमिरेले निर्देशन गरेका छन् ।
सस्पेन्स थ्रिलर जनरामा रहेको फिल्मलाई दर्शकले साउन २० गते हेर्न पाउने छन् । लेडिज एक्सन फिल्मले नारी शक्तिको कथा बोल्ने निर्माता तथा लेखक मौनता श्रेष्ठले बताए ।
फिल्ममा रवी गिरी, पुस्कर राउत, संचीत भण्डारी, आरती आचार्य, सोनी बिसी, याङ्शु श्रेष्ठ, विन्दीया ठकुरी, रुपा केसी, ऋचा थापा, चक्र राई, संजय खतिवडा, कनिज कोइराला, सपना श्रेष्ठ, राजु घिमिरे, शत्रुधन अन्सारी, जोया बुढाथोकी, मुकेश कपाली, योचिना खड्गी, अची श्रेष्ठ, सुदीप आचार्य र बालकलाकार अरुण कालिराजको अभिनय रहेको छ ।
यसमा मौनता श्रेष्ठको कथा, पटकथा तथा संवाद, रामशरण उप्रेतीको छायांकन, कमल राई र अभि वाग्लेको कोरियोग्राफी, सुरेश अधिकारी र विक्रम थापाको संगीत, हरी उप्रती र दीपेन्द्र खड्काको गीत रचना, प्रेम चुल्ठेको द्धन्द्व निर्देशन, सुवानी मोक्तान, विनुसा राई र अर्चन लिम्बुको स्वर र मन्दिल श्रेष्ठको सम्पादन रहेको छ ।