चलचित्र ‘चपली हाइट–३’ पुनः रिलिज हुने
काठमाडौं । चलचित्र ‘चपली हाइट–३’ पुनः रिलिज हुने भएको छ । चलचित्र यही साउन २० रिलिज हुन लागेको हो ।
पुस ३० गते प्रदर्शनमा आएको चलचित्र ‘चपली हाइट–३’ कोरोना संक्रमणको त्रासका कारण भएको लकडाउनका कारण प्रदर्शन भइरहेका बेला रोकिएको थियो । प्रदर्शन भइरहेका बेला रोकिएकाले पुनः चलचित्र प्रदर्शन हुन लागेको निर्माता अर्जुन कुमारले जानकारी दिए ।
‘चपली हाइट–३’लाई निकेश खड्काले निर्देशन गरेका छन् । चलचित्रमा स्वस्तिमा खड्का, सुपुष्पा भट्ट, महेश त्रिपाठी, अमिर गौतम मुख्य भूमिकामा छन् ।

अहिलेसम्म कुनै टिप्पणी छैन — कुराकानी सुरु गर्ने पहिलो व्यक्ति बन्नुहोस्।