काठमाडौं । रामबाबु गुरुङको निर्देशनमा चलचित्र ‘फूलबारी’ निर्माण हुने भएको छ। काठमाडौंमा आयोजित एक कार्यक्रमका बिच फिल्म बन्ने औपचारिक घोषणा भएको हो।
कमल किशोर मलपानीको कथा र कन्सेप्ट रहेको चलचित्रको पटकथा उपेन्द्र सुब्बाले लेखेका हुन्। फेमिली ड्रामा जनरामा बन्ने यस चलचित्रले अभिभावक र सन्तानबिचको सम्बन्धको कथा भन्नेछ।
चलचित्रमा दयाहाङ राई, विपिन कार्की, प्रियंका कार्की, सिर्जना सुब्बा, अरुणा कार्की र मिरुना मगरको अभिनय रहनेछ।
यशोदा फिल्म्स प्रोड्क्सनको ब्यानरमा निर्माण हुने चलचित्रका निर्माता मनिष ढकाल हुन्। चलचित्रको छायाङ्कन भदौ पहिलो सातादेखि सुरु हुने बताइएको छ।