हाल छायांकनकाे क्रममा रहेकाे फिल्म ‘भाईरल गोर्खे’मा चर्चित पत्रकार ऋषि धमलाले सट दिएका छन् । निगम श्रेष्ठको निर्देशनमा निर्माण भइरहेकाे फिल्मको लागि लिखित सम्झौता भएसगैं धमला सुटिङको लागि लमजुङको भुजुङमा पुगेका हुन् ।
कमेडी–ड्रामा ‘भाइरल गोर्खे’को शीर्षमध्येको एक भूमिकामा रहेका रिपोर्टर्स क्लब नेपालका सभापति एवम् प्राइम टिभीका अध्यक्ष समेत रहेका धमलाले पत्रकारकै भुमिकामा निर्वाह गरेकाे निर्माण टिमले जानकारी गराएको छ ।
याे फिल्म सामाजिक सञ्जालको प्रयोग र प्रभाव बढ्दै जाँदा भाईरल हुने प्रवृत्तिकाे पछिल्लो समय नियालेर बनाइएकाे छ । जसमा भाईरलका पछाडि लाग्दाको प्रभाव र असरको परिणाम फिल्ममा देखान पाइने निमार्ण पक्षले बताएको छ । साेही अनुसार धमलालाई यस भूमिकामा लिनुकाे कारण फिल्मको कथा अनुसार नै उनैलाई लिनु परेको निर्देशक निगम श्रेष्ठले बताएका छन् ।
फिल्ममा ऋषि धमलाका अलवा सौगात मल्ल, सृष्टि श्रेष्ठ, बुद्धि तामाङ र लक्ष्मी गिरी मुख्य भूमिकामा रहनेछन् ।
द जिएमआई एकेडेमी र निर्भाना फिल्म स्कुलको व्यानरमा निर्माण हुने यश फिल्मलाई अमर महर्जनले खिच्ने छन् । फिल्ममा विशाल ताम्राकार र महेश लामिछानेको लगानी रहेकाे छ ।
