हलमा समेत १८ करोड भन्दा माथिको ग्रस कलेक्शन गरेको नेपाली फिल्म ‘छक्का पन्जा ३ ’ले युट्युबमा पनि नयाँ रेकर्ड राखेको छ ।
यो फिल्मलाई युट्युबमा साढे ३ करोड भन्दा बढी पटक हेरिएको छ । यो युट्युबमा सबैभन्दा धेरै पटक हेरिएको नेपाली फिल्मको रेकर्ड हो ।
हाइलाइट्स नेपालको युट्युब च्यानलबाट साढे ३ बर्ष अगाडि यो फिल्म रिलिज भएको थियो । फिल्मलाई दर्शकले निकै रुचाएका पनि थिए ।
दीपकराज गिरी, दीपिका प्रसाँई, केदार घिमिरे, प्रियंका कार्की लगायतका कलाकारले अभिनय गरेको यो फिल्मलाई दीपाश्री निरौलाले निर्देशन गरेकी हुन् ।
३ लाख २० हजार भन्दा बढी दर्शकले फिल्म हेरेपछि लाइक गरेका छन् । ८ बर्ष अगाडि युट्युबमा रिलिज भएको फिल्म ‘प्रेमगीत’लाई भने ३ करोड २० लाख भन्दा बढी पटक हेरिएको छ ।