दिवाकर भट्टराईको निर्देशनमा तयार हुन लागेको फिल्म ‘नरसिंहाः अवतार’मा नायिका नीति शाह फाइनल भएकी छिन् । निर्माणपक्षले नीतिले फिल्म साइन गरेको पुष्टि गरेको छ ।
फिल्म ‘नरसिंहाः अवतार’मा नायक राजेश हमाल फाइनल भइसकेका छन् । फिल्ममा राजेश र नीतिले रोमान्स गर्ने बिषयमा भने निर्माणपक्षले केही पनि बोलेको छैन ।
वुझिएअनुसार, यो फिल्मका लागि अझै दुई नायिका र एक नायकको खोजी भइरहेको छ । फिल्मको छायांकन भदौबाट सुरु गर्ने तयारीमा निर्माणपक्ष छ ।
नीतिको हातमा फिल्म नै फिल्म देखिएको छ । उनले पर्दामा नायक राजेश हमालदेखि पल शाहसम्म रोमान्स गर्ने पक्का भएको छ । उनले, अभिनय गरेको फिल्म ‘ज्वाइँ साब’ पनि रिलिजको लागि तयार भएको छ ।
एक्सन प्रधान फिल्म ‘नरसिंहाः अवतार’को स्क्रिप्टमा अहिले निर्देशक भट्टराईले काम गरिरहेका छन् ।
फिल्मको छायांकन पोखरामा हुनेछ । यही फिल्मबाट नायक हमालले ८ बर्षपछि ठूलो पर्दामा कमब्याक गर्ने तयारी गरेका हुन् ।