अमेरिका रहेर पनि नेपाली गीतसंगीतमा निरन्तर लागिपरेका गायक तथा मोडल रोशन अधिकारीले नयाँ गीत बजारमा ल्याएका छन् । अधिकारीको प्रस्तुतिमा तयार भएको गीत ‘भट्टी कि रानी’को म्यूजिक भिडियो सार्वजनिक गरिएको छ ।
आज काठमाडौंमा आयोजना गरिएको पत्रकार सम्मेलनमा गीतको भिडियो सार्वजनिक गरिएको हो । गीतमा रोशन अधिकारीको स्वर छ । गीतमा विष्णु भट्टको संगीत, विपिन सलामीको शब्द छ ।
गीतको भिडियोमा पनि रोशन अधिकारी र अलिसा शर्माको मोडलिङ छ । भट्टीमा पुगेर अलिसासँग रोशनले गरेको रोमान्सलाई भिडियोमा प्रस्तुत गरिएको छ ।
यो भिडियोलाई माइकल चन्दले निर्देशन गरेका हुन् । माइकलले भिडियोमा मोडल रोशन र अलिसालाई गज्जबले नचाएका छन् । गीतको अडियोले दर्शकको ध्यान खिच्न सक्छ ।
सिलन लम्सालको सम्पादन रहेको भिडियोमा उत्सव दाहालको छायांकन छ । कार्यक्रममा बोल्दै मोडल रोशन अधिकारीले यसपटक दर्शकका लागि डान्सिङ नम्बर सार्वजनिक गरेको बताए । यो भिडियोमा काम गर्न पाउँदा आफूलाई निकै खुशी लागेको र काम गर्न सहज भएको मोडल अलिसा शर्माले बताइन् ।