दिपेन्द्र के खनालको निर्देशनमा तयार भएको फिल्म’हरिबहादुरको जुत्ता’ को छायांकन सकिएको छ । २९ दिन लगाएर फिल्मको सम्पूर्ण छायांकन (गीत बाहेक) सम्पन्न भएको हो ।
फिल्मका परिकल्पनाकार तथा प्रमुख अभिनेता हरिवंश आचार्यले सहज रुपमा छायांकन सम्पन्न भएको जानकारी दिए ।
हरिवंश भन्छन्, ‘निर्देशक दिपेन्द्र के खनालको नेतृत्वमा हाम्रो टिमले एकदम सहज ढंगले छायांकन सम्पन गर्यौ । हाम्रो टिम एकदम राम्रो बन्यो । सम्पूर्ण कलाकार र प्रविधिकको सहज वातावरणले चाडै छायांकन सम्पन्न गर्न सफल हुन् पुग्यौ ।’
उनले गीतहरुको पार्ट पनि सहज रुपमा चाडै छायांकनको काम सम्पन्न हुने विश्वास राखेका छन् । एसएम मोसन पिक्चर्सको ब्यानरमा निर्माण भएको फिल्ममा सरोज ओली र मोहित बंश आचार्य निर्माताको रुपमा रहेका छन् ।
फिल्ममा हरिबंश आचार्य, प्रकाश सपुत, स्वस्तिमा खड्का, राजाराम पौडेल ,किरण केसि, हरिहर शर्मा, पार्वति अधिकारी , दिब्यदेब पन्त , तारा शर्मा , दिनेश काफ्ले, सिता न्यौपाने लगायतका कलाकारको अभिनय रहेको छ।
फिल्म दशैको फूलपातीमा नै रिलिज हुने निर्माता सरोज ओलीले जानकारी दिएका छन् । उनले सम्पूर्ण काम सकेर दशैको फूलपातीमा नै रिलिज हुने बताएका हुन् ।