News

सकियो भूठानको छायांकन, अमेरिकी सेनाको भूमिकामा देखिँदै दयाहाङ

Capture2024 01 31 10 59 27
Capture2024 01 31 10 59 27

नेपालीमा ‘भूठान’ र अंग्रेजीमा ‘द वर्ल्डस् ह्यापियस्ट म्यान’ छुट्टाछुट्टै नाम रहेको ‘बुलबुल’ निर्देशक विनोद पौडेल निर्देशित पहिलो हलिउड नेपाली फिल्मको सम्पूर्ण छायांकन सकिएको छ ।

फिल्ममा हरिवंश आचार्य, दयाहाङ राई, पुजा चन्द लामा, रिचा घिमिरे, भुवन प्याकुरेल, अदिति प्याकुरेल, कौशिला खनाल कर्मचार्यका अलावा भारतीय कलाकार अनुराधा मजुमदार तथा विश्वविख्यात हलिउड अभिनेता ब्रुस डर्न लगायतका कलाकारहरुको अभिनय रहेको छ ।

फिल्मको छायांकन सकिएसँगै निर्माण टिमले केहि तस्विर उपलब्ध गर्ताएका छन्। तस्वीरहरुमा हलिउड अभिनेता ब्रुस डर्न र दयाहाङ राई एकसाथ देखिएका छन्। दयाहाङ अमेरिकी आर्मी (सेना)को पोशाकमा छन्।

यो फिल्ममा ‘सांघुरो’का निर्देशक जोयश पाण्डे र नेपाली नाट्यकर्मी विमल सुवेदीको समेत अभिनय रहेको छ । निर्माण पक्षले विगत पाँच वर्ष देखिको निरन्तर प्रयासपछि ‘भूठान’लाई हलिउडको मापदण्डमा रहेर बनाइएको जानकारी दिएको छ ।

bhutan

‘यो नेपालको लागि पहिलो यूनियन (स्याग) सिनेमा हुनेछ । यसमा ब्रुस डर्न मात्र नभएर हलिउडकै प्रख्यात प्राविधिकहरु पनि जोडिएका छन्, जसले गर्दा यो फिल्मको प्रविधिक पक्ष अत्यन्तै सबल रहेको र कथा पनि विश्वले आत्मसात गर्ने भएकोले यो फिल्म मार्फत हामी विश्वबजारमा आफ्नो पहुंच बनाउने कुरामा विश्वस्त छौं जुन सम्पूर्ण नेपाल र नेपालीको गर्वको कुरा हो’ ‘भूठान’का लेखक तथा निर्दैशक पौडेल बताउँछन् ।

म्याड मंकी फिल्मस्ले निर्माण गरेको फिल्ममा हलिउडकै भ्याकेन्ट लाइट, एभरेष्ट इन्टरटेनमेन्ट, ठकुराठी ब्रोस र नेपालबाट अवेकन प्रोडक्सन जस्ता कंपनिले सहकार्य रहेको छ ।

फिल्ममा कौशिला खनाल कर्मचार्य, एलएन अधिकारी, अपार श्रेष्ठ तथा रमेश भट्ट फिल्ममा कार्यकारी निर्माताका रुपमा रहेका छन् भने राजेन्द्र ठकुराठी, अभिताव जोशी र अविरल थापा यसका निर्माता हुन् । सन् २०२४ मै फिल्मलाई विश्वव्यापी रिलिज गरिने उनीहरुको भनाई छ ।

Bhuthan 2 ezgif.com webp to jpg converter
Share

यो खबर पढेर तपाईंलाई कस्तो महसुस भयो ?

० Comments