‘खलनायक २’को तयारीमा जुटे रोज, चन्द्र पन्तले गर्नेछन् निर्देशन
Views:
५१
Reading time:
१ min
निर्माता रोज राणाले नयाँ फिल्म ‘खलनायक २’ बनाउने तयारी थालेका छन् । उनले, फिल्मको निर्देशनमा चन्द्र पन्तलाई अनुबन्धित गरेका छन् । फिल्मको गीत दयाराम पाण्डेले लेख्नेछन् भने मौनता श्रेष्ठले फिल्मको कथा लेखिरहेका छन् ।
फिल्मका निर्देशक चन्द्र पन्तका अनुसार, माघबाट फिल्मको छायांकन गर्ने तयारी छ । फिल्ममा नयाँ र पुराना पुस्ताका कलाकारहरूलाई लिने तयारी गरिएको छ ।
फिल्म ‘खलनायक’मा राजेश हमाल, बिराज भट्ट, निखिल उप्रेती, झरना थापा लगायतका कलाकारहरूको अभिनय थियो । यस पटक, ‘खलनायक २’मा पनि नाम चलेका कलाकारहरूलाई लिएर काम गर्ने तयारी निर्माताको छ ।
रोज राणा नेपाली फिल्मका सर्वाधिक नाम चलेका निर्माता हुन् । कुनै समय उनको नाममा नै फिल्म चल्ने गर्थ्यो । तर, राजनीतिमा लागेपछि उनी फिल्मबाट टाढा जस्तो देखिएका थिए । अब, उनले फिल्म निर्माणमा फेरि आफूलाई अगाडि ल्याएका छन् ।
निर्देशक पन्तको भने फिल्म ‘ह्रस्व दीर्घ’ हालसालै रिलिज भएको थियो । यो फिल्म बक्स अफिसमा हिट भयो ।
अहिलेसम्म कुनै टिप्पणी छैन — कुराकानी सुरु गर्ने पहिलो व्यक्ति बन्नुहोस्।