अभिनेता विजय बराललाई पुत्रीलाभ भएको छ । उनकी पत्नी तथा अभिनेत्री प्रमिला खनालले आज बिहान बागबजारस्थित मोडल अस्पतालमा सन्तानलाई जन्म दिइन् । यो जोडीको दोस्रो सन्तान हो । यसअघि उनीहरूको एउटा छोरा छन् । नयाँ सन्तान प्राप्तिपछि विजयले फेसबुकमार्फत फोटो सेयर गर्दै प्रशंसकहरूलाई यसबारे जानकारी दिएका छन् ।
फेसबुक पोस्टमा उनले लेखेका छन्, ‘आज जीवनले फेरि एउटा कविता लेखिदियो प्रिय प्रमिला । न्यानो सास, मनमा चलेको बेजोड ढुकढुकि र आमाको थाकेको अनुहारबीच जन्मिएको फेरि एउटा नयाँ संसार । परिवारमा सदस्यको रूपमा लक्ष्मीको आगमन भएको सुखद जानकारी गराउन चाहेँ । धन्यवाद ममी डा. अरुणा कार्की एण्ड टिम।’
विजय अहिले रामकृष्ण ढकालले निर्माण गरिरहेको फिल्म ‘मालती मङ्गल’मा व्यस्त छन् । दशैं लगत्तै मुस्ताङमा ‘कबड्डी ५’को छायांकन सुरु हुनेछ ।